Happy New Yeeear ^^

اليوم هو ثاني أيام السنة حسب التقويم الرانماوي الحديث. تم العمل بهذا التقويم من ربع قرن فقط هع.

First I'd like to thank everyone who wished me a happy birthday XD mmm in order Kukuri-chan, LaiLai and Java (dokies~), Lillymon, Mai-chan extra thnx for the omega kawaii drawing, LOsT, Satou-san. Hontoni domo arigato~

من بداية هالسنة الرانماوية صارت عدة أحداث. مثلا أمس مادري شنو ضارب في راس المغنية لطيفة التونسية تصور فيديو كليب في الدوحة هههه شفناها في سوق واقف (السوق القديم) وزين ماصورونا في الفيديو كليب بعد >< شردنا على طول هعهع. كان ويهها للحين ماحطوا عليه طبقة الاسمنت الضرورية للتصوير والإضاءة. صج الفلاتر تسوي شغل ههههه.

الحدث الثاني والمرتقب هو أن برشلونة يغرّس ومايفوز في الأندلس على ريال بتيس. وهذا اللي صار لووول. (جايكم بسالفة المطاردة xp) حتى قلت حق الشباب اللي يبي يشوفني متنرفز، حيّاه البيت وقت المباراة لول. زين منهم طلعوا بتعادل عالأقل =_=؛ مالت على البمبر. كانوا متخلفين بهدفين لصفر. يحيا إيتو الهداف.

اليوم رانما المُجِد قاعد من الصبح ليزهب إلى الدوامي. ايوه هذي سالفة المطاردة هعهع. في طريقين للدوام، كلهم فيهم زحمه لكن واحد تقاطعات الواحد يضمن حركة السير، وطريق فيه دوّارات هع. قلت بروح اليوم من طريق الدوّارات. لازم تفاصيل ومقدمات عشان تعيشون الموقف xp. عاد الحين طالع من فريجنا وعادة عند دوار الفريج في زحمه واااصله لين مادري وين. المَخرَج اللي طلعت منه من فريجنا يدخل في وسط الزحمه. وطبعا بما أنه مب لاين أو queue لبنك أو شي @@ مب معقول أن آخذ لفة وأوقف آخر الزحمة بالدور لووول تخيلوا؟!. اللي جدامي كان في فتحه بينه وبين السيارة اللي أمامه تكفي سيارتين ونص (حاسبها >_>!) فدخلت الزحمة من هالفتحة. اللي يسوق كان شكله راقد أصلا لكن اللي وراه هرّن له طيط طيط. الرجال مادري شصار فيه الظاهر كان مصدع وصوت الهرن أثر فيه. للعلم كان يسوق GMC. من بعدها قام راعي الجمس يضرب هرنات تقريبا بدون توقف. أنا جدامه ماكنت مستوعب السالفة هههههه قلت اوه مسكين شكله مستعيل وتوه مستوعب هعهع. أطالع في المرآة الخلفية لكن ماشوف تعابير على وجهه. ليما قربنا من الدوار ألا أشوف كأنه يأشر علي -_-! شكيت.. أوه شكله الأخ معصب أن دخلت جدامه @@! هالو! كان في فتحة تكفي باص يدخل xp وهو اللي ترك لي المجال. لما دخلنا الدوار ألا هاللي يدووووس ويوصل جنبي تقريبا. هني الأخ رانما تأكد أن صاحبنا ناوي على نية هههه. طبعا ماوقفت له >_> الساعة 7 الصبح، والله فاضي هالإنسان. طلعت من الدوار بسرعه وفرووووم أنّ راح أطير عنه، وابتعدت عنه لكن الآخ داااايس وراي ومشغل الكشافات من بعيد يعني وقف أتفاهم معاك. الغريبة أن تقريبا عمرها ماصارت لي مثل هالمواقف لووول بس بداية سنة تبشر بخير XD. زين كنت اليوم أسوق سيارة فور-وييل ماقعدت أحاتي وايد. يوووم قرب مني عاليسار breeeaaaak ضربت بريك خليته يطير جدام هعهعهع استانست كأن في فيلم أكشن. لفيت على طول يمين دخلت فريج ألا هو انتبه جدام ودخل من مدخل ثاني. =___= مايبي يرسيها البر لول الناس وراهم دوامات يابوك. نسيت أقول أنه ماكان ياهل أو شي. شكله في الثلاثينات عالأقل. زين أن في الفريج اللي دخلناه كنت مبتعد عنه وايد فما غامرت أن أستمر على طريق واحد. قمت أدخل يمين في يسار بين الشوارع الداخلية لين حسيت أن ضيعته. بس كنت أفكر @@ تخيل على كل هالفلسفة واللفات يطلع في ويهي! ههههههه قمت أضحك >< شسوي بعد. بس زين مادري شصار عليه يمكن كمل طريقه أو حاول يعرف وين دخلت وضاع. المهم أن اختفيت عنه. الحين بذمتكم هالإنسان شيسمونه؟ صج.. صج فاضي.

أهم شي في هالجورنال أنه أقصر من اللي قبله المأساوي.

>< ماعرف أسكت دام أن بدأت كتابه لازم أتكلم أكثر xp. في شهر 4 بتنزل أنيميات روعة. في وسطها أنيمي غبي. فكرته غبية وتصميم الشخصيات كله fan-service x fan-service. يعني أنيمي مايستاهل ينشاف أبدا. بس أمس أكتشتف شي غريب. الشخصيات ال4 الرئيسية من يؤدي أصواتها. أفضل أربع female seiyuu's عندي T_T! الله يغربل ابليسهم >< ماذكر أن في أي مرة اجتمعوا كلهم في أنيمي واحد. الحين شسوي ;_;؟

سلام ^^